Miðvikudaginn 13. maí kl. 20 heldur Ljótikór tónleika í Tónabíó tileinkaða tónskáldinu og lagasmiðnum Magnúsi Eiríkssyni, sem lést í byrjun þessa árs. Verkefnið hefur verið lengi í undirbúningi hjá kórnum og markmiðið var ferðalag inn í magnaðan söngheim Magnúsar. 

Á efnisskránni verða lög Magnúsar í glænýjum útsetningum, en jafnframt verða rifjaðar upp minningar sem tengjast lögum hans og þeirri lífsreynslu og tilfinningum sem textar hans bera með sér. Tónleikarnir verða þannig ekki aðeins flutningur á stórbrotnum og ástsælum lögum, heldur einnig samtal við verk Magnúsar og þær minningar sem tónlist hans vekur. 

Ljótikór hefur skapað sér sérstöðu fyrir óhefðbundna og lifandi tónleikaupplifun, þar sem tónlist, sviðsetningar og stemning mynda eina heild og þessir tónleikar verða engin undantekning á því. 

Allar útsetningar eru eftir Einar Jónsson, sem stýrir kórnum ásamt Nönnu Hlíf Ingvadóttur. Hljóðfæraleikarar eru Ásgeir Ásgeirsson gítarleikari og Örn Ýmir Arason bassaleikari.
Sviðssetning er í höndum Vigdísar Jakobsdóttur og Ilmur María Stefánsdóttir hefur yfirumsjón með útliti tónleikanna. 

Ath. Viðburðurinn er sitjandi en ekki er selt í númeruð sæti. Við hvetjum því gesti til að mæta tímanlega. Salurinn opnar kl. 19:00 en bruggstofa RVK Bruggfélags er opin frá 13:00 um daginn.

Aðgangur 5.000 forsala miða á Tix.is

-------

On Wednesday, May 13th at 8pm, Ljótikór will hold a concert in Tónabíó dedicated to the composer and songwriter Magnús Eiríksson, who passed away at the beginning of this year. The project has been in preparation for a long time by the choir and the goal was a journey into the amazing world of Magnús's singing.

The program will include Magnús' songs in brand new arrangements, while also recalling memories related to his songs and the life experiences and emotions that his lyrics carry. The concert will thus not only be a performance of magnificent and beloved songs, but also a conversation with Magnús's work and the memories that his music evokes.

Ljótikór has created a unique presentation of an unconventional and vibrant concert experience, where music, staging and atmosphere form a single whole, and this concert will be no exception.

All arrangements are by Einar Jónsson, who conducts the choir with Nanna Hlíf Ingvadóttir. Instrumentalists are Ásgeir Ásgeirsson on guitar and Örn Ýmir Arason on bass.
Stage management is in the hands of Vigdís Jakobsdóttir and Ilmur María Stefánsdóttir is in charge of the appearance of the concert.

Note: The event is seated but numbered seats are not sold. We therefore encourage guests to arrive in good time.

Tickets cost 5.000 on á Tix.is