Salur opnar 19:00, tónleikar hefjast 20:00
RVK Bruggstofan er opin frá kl 13:00 til miðnættis
4900 kr
https://tix.is/is/event/21954/
Mukka er tilraunakennd hljómsveit frá Reykjavík sem blandar saman lo-fi rafhljóðum, sækadelísku rokki og kraut-innblásinni endurtekningu í dáleiðandi hljóðheim. Sveitin var stofnuð árið 2017 af Guðmundur Óskar Sigurmundsson og Kristjón Hjaltested og hefur þróast úr dúói í fimm manna band með áherslu á lifandi, yfirgripsmikla tónleikaupplifun. Mukka hefur vakið athygli fyrir sterka sviðsframkomu og kom fram á Iceland Airwaves 2025, auk þess að fylgja Júníus Meyvant í Evróputúr sama ár. Með vaxandi orðspori og þróandi hljóðheim eru þeir að festa sig í sessi sem áhugaverð rödd á evrópskri experimental- og indie-senu.
----
KÁRI EGILS
Kári gaf út plötuna Palm Trees In The Snow árið 2023, sem vakti athygli fyrir þroskaðar, melódískar lagasmíðar og vandaðar útsetningar. Hann var valinn Bjartasta vonin á Íslensku Tónlistarverðlaununum 2024 og nú vinnur hann að útgáfu annarar poppplötu sinnar.
----
ÍVAR KLAUSEN
Ívar Klausen er mjög virkur sem tónlistarflytjandi, session spilari og tónskáld en hann kemur fram á fjölmörgum og fjölbreyttum verkefnum og tónleikum á ári hverju. Efnisskráin verður af léttari kantinum í anda sálarskotinnar popprokk tónlistar af fyrstu sóló plötu Ívars sem kom út í apríl ásamt splúnku nýjum óútgefnum lögum bæði í dúr og moll sem verða leikin á stór og lítil hljóðfæri.
Með Ívari verður besta hljómsveitin í sveitinni:
Alexander Grybos gítar og bakraddir
Bergur Einar Trommur og bakraddir
Kári Egils: Orgel, rafpíanó
Hjálmar Carl Guðnason bassa og bakraddir
Róbert Aron: saxófónn og slagverk
Fjölraddanir, spila gleði og húmor hefur verið einkennandi á tónleikum Ívars.
Komið fagnandi!
-----
Dópamín eru sérstakir gestir á þessu kvöldi en við ætlum að enda á fönk og gleði bombu! Dópamín er hljómsveit sem stendur svo sannarlega undir nafni – gleði, fjör og húmor frá fyrstu nótu til þeirrar síðustu. Þeir spila fönkblandað rokk og popp sem gerir hlustendum erfitt fyrir að halda aftur af sér!
